شوفوا طلبات الرجال على زوجاتهم اللي ما تنتهي"رد على الأخ عاشق الدرازي "
أ---أبي اعزم اهلي واولاد خالي واولاد عمي واصدقائي يعني ما يقارب 150 شخص . عاد هله هله بالغذاء العدل ما ابي احد يساعدك ابي كل شيء من تحت ايدك
وبدأ بالقائمه كأنه جالس في مطعم :mad:
مقبلات : ورق عنب --- سلطة يونانيه ----تبوله----------متبل -----سلطة زيتون-------حمص ----فتوش وبس ما ابي اتعبش
اما اطباق الرئيسية: غوزي لحم----مندي دجاج ----مجبوس دجاج----مجبوس هامور ----باشميال----صالونة لحم----برياني لحم-----مشوي لحم ودجاج وسمك -----وبس ما ابي اتعبش .
اما الحلويات : كعكة الشوكلاته---سلطة فواكة----عيش السرايا ---- كريم كراميل ----كعكة الفستق--- كنافة---لقمة القاضي ----كعكة الجبنه .وبس عاد همتش ابيهم يستانسون وهم ياكلون وابيهم كلهم من ايدج من غير مساعدة.
ب----بنام ما اقدر ادرس اولادج وراي طلعة مع الربع بعدين --انتي درسيهم واذا كملتي وناموا كملي شغل البيت .
ج----جيبيلي غداي على السرير ... ابي اريح علشان طلعة الربع بعدين .:mad:
ح--- حبيبتي . غسلي هل القميص وخلية بنشف بسرعة ابيه عقب ربع ساعة .
خ---خلي اولادج يسكتون ما اقدر انام 3 ساعات متواصلة في النهار .. ومسكينة ما تقدر تنام بالليل 3 ساعات متواصله من شغل البيت وتدريس اولادها والسهر مع ولدها اللي ما يسكت من صياحه .
د---دور لي على ساعتي ومفتاح السيارة وتلفوني ونظارتي الشمسية--- وتظل تدور مسكينه ساعتين وما تحصل شيء في النهايه طلع اخوانه مقفل السيارة على اغراضه حتى على مفتاح السيارة .
ذ---ذيك السنة انه مشتري لج قميص حق العيد ( قبل 5 سنوات ) ليش الأسراف وفري مبلغه لشي ثاني . والله فشله اروح للربع وايدي فاضية على الأقل بمر المطعم بأخد 5 صحون مشويات.
ر----راح اطلع اليوم مع الربع ما اقدر اطلع اولادش.. عن الدلع كل سنة في العيد يبون يطلعون ليش هي حلاوة .
ز---زيدي الوجبات الرئيسية والسلطات . انه ما يكفيني طبقين وصحن سلطة .
س---سوي لي شاي وكيك وجيبية على السرير تعبان ما اقدر اقوم ....و هي مسكينه ما عارفه شنو تسوي تشتغل في البيت وله ادرس اولادها وله وله ادير بلها على ولدها الصغير اللي يصيح وله اتسوي له طلبة .
ش---شيلي ولدش عني ابي اتابع الفيديو كليب الجديد لنانسي عجرم . وهي ادرس اولادها وتشتغل بالبيت . وين دورك ياخي ما في قلبك رحمة .
ص---صايرة وايد حنانه . ما اقدر اجيب لش شغالة .. تعرفين يعني شنو اجيب شغاله يعني ما اقدر اسهر مع الربع وله اعشيهم واضحي عن السفرات والرحلات اللي اقضيها مع الربع .
ض---ضبطي اوضاعش ترى اخواني واولاد عمي واولاد خالي حايين البيت عقب ساعتين --هله هله بالغذاء العدل ابيه نفس ذاك اليوم ( قصده نفس أ)
طاء ---- طالعي نفسج بالمراية والله كأنج عجوز ... شلون ما تبيها تكبر وهي متحملة شغل البيت كامل وتدريس اولادها ومدارة ولدها الصغير اللي ما يسكت من صياحة ...
ظ----الضاهر اني بعرس على واحدة ثانية ----اجمل واحلى وارتب -------احسن من اقابل هل العجوز اللي قدامي ......
والبقية في الطريق
العرض العادي
