بسم الله الرحمن الرحيم
اللهم صل على أشرف خلقك محمد و آل محمد الطيبين الطاهرين الغر الميامين
وبعد..
بما أن الحياة لا تخلوا من بعض الهموم و الاكدار أحببت و من خلال هذا الموضوع أن أدخل البسمة في شفاهكم و نفوسكم
تعبت و أنا اكتب هالنكت ...... بس إن شاء الله تعجبكم :good:
ترى هذي هديتي ليكم .. اقبلوها منّي
بسم الله ابتدينا
بالصلاة اعلى النبي الهادي
:15: :15: :15: :15: :15: :15: :15: :15:
للحين ما بدينه أشفيك تضحك ؟
:birgits_giggle:
نبتدي ؟
هاكو بدينه ............. :b050c:
1- واحد طاح من السطح و يصارخ .. إلحقوني إلحقوني ..اخوه أسمعه .. راح طب و راه
2- واحد يقوم بالليل يفتح باب الثلاثجة اشوي اشوي ليش ؟ يشوف من الي يولع نور الثلاجة
3- سيارة ما هي راضية تشتغل.....ليش ؟!!! تبي تكمل دراستها
4- واحد تقدم للوزارة يبي عمل سألوه عن مؤهلاته .. قال : معي شهادة الابتدائية و أعرف واحد يدرس بره
5- أستاذ يسال الطلاب : في أي فصل يسقط المطر يا شطااار ؟ قام واحد طالب هادئ و قال في الفصل الي ما فيه سقف يا أستاذ
6- دجاجة و ديك يتمشون .......شافوا مطعم يبيع شاورما ......... ألتفت الديك على الدجاجة .... و قال لها : شفتي شيسون في الي ما تطيع زوجها ؟؟؟
7- واحد كتب له الدكتور علاج و قال له يؤخذ كل 8 ساعات قام ياكله كل 4 ساعات ! ليش ؟ عشان يفاجئ الجراثيم
8- في بحريني و سعودي و هندي و غيرهم .... في طيارة ... في أثناء الطيران صار.. خلل...... العامل قالوا لازم نخفف على الطائرة قاموا الي في الطيارة كلهم رموا الأغراض الغير ضرورية ... و السعودي رما البيبسي الي عنده لانه غير ضروري و متوافر بكثرة في السعودية اما البحريني كل شيء عنده ضروري ... قام يفكر ... قال ما في إلا الهندي.... عندنا هنود واجد في البحرين .. ورمى الهندي
9- واحد سألوه في مقابلة على الهواء مباشرة ... وش رايك في الزواج المبكر ؟ ,, قال : الزواج المبكر.... يعني الساعة كم ؟
10- واحد أشترك في مسابقة أسرع رسمه ...إنتهت المسابقة ....... لقوه راسم نقطة و باقي اللوحة فاضية ............... سالوه وش هالرسمة ... قال : هذا فيل جاي من بعيييييييييييييييييييد
11- هذا واحد حلق شنبه ... دخل على بيتهم و قال لهم .... تصدقون ما عرفتكم ..
12- واحد راح الملعب جلس يطالع فووووق ... ليش ؟؟؟ يدور كلمة مباشر .....
13- واحد يسال صديقة .... هذا الشارع وين يروح ؟؟ رد عليه ... أنا خبري به محله ما تحرك ..,,
14- في واحد دائماً ينسى ... راح يتعالج .... لما دخل على الدكتور ...سأله الدكتور ... من متى هذي المشكلة معاك ؟ قال : أي مشكلة يا دكتور ؟
15- واحد دخل على أولاده الأثنين سال واحد منهم وش جالس تسوي ؟ قال له : ولا شيء يا بوي .. و اخوك ؟ .....قاعد يساعدني !!
16- واحد رجع من السفر ... لقى في شقته نملة ... غيّر قفل الباب ..
17- واحد دخل على سكرتير توه متعين ..... قال له : وين المدير العام ؟ .... ....قال : مدير العام ده لو مدير العام الجاي
18- صبي جا لأبوه يقول له راسي يدور يبه .. قال له من كثر دورانك في الشوارع
19- واحد بخيل راح يزور أخوه في المستشفى ... لقى على الباب مكتوب " أدفع" قال : ما له لزوم انزوره في البيت
20- واحد قالت له زوجتة : اشتر لنه فيديو : قال بسيطة بس حارسيني أبيع التلفزيون ..
21- واحد تعرف على واحد و قال له كم رقم تلفونك ...؟ الثاني مسكين ما عنده تلفون ..حب يصرف الموضوع و قال : رقمي صفر صفر صفرين صفّر لي و أطلع لك ....
22- واحد أتصل حق الأستعلامات,...., قال لهم عندكم مفتاح مصر ؟ قالوا له أي .... قال :طيب ممكن تقصوا لي نسخة منه .
23- واحد سأل راعي التكسي ... : فاضي ؟ رد عليه :أيه أي خدمه ؟ قال له دام أنك فاضي انزل و سولف معي !
24- دجاجة باضت بيضة بدون قشر.... ليش ؟؟ لأنها تستخدم شامبوا ضد القشرة ...
25- واحد سال صديقة ... وين رايح .... رد عليه ما أدري و أنت ... .. آنه بعد ما أدري ....قال : يلا مشينا لا نتأخر
26- يا ولدي اليوم كتبت رسالة لعمك ... وكتبت رسالة لعمي! و أنت تعرف تكتب يا يبه ؟ ..... ااا يعني الحين عمك اهو الي يعرف يقره ؟
27- خذ هذي على الماشي..... يقولون لك هذا في صيني تزوج صينية .....جابوا طقم صحون ...
28- واحد في الشارع شاف أشاره ممنوع الوقوف ..... أنبطح ..
29- شغّالة ( خدّامة ) تبي تسرق بيت الجيران .. دورت في البيت ما لقت شيء .. قامت و نظفت المطبخ و طلعت ..
30- طالب طموح ... راح إلى أبوه و قال له ... يبه أبي أكمل دراستي بره .. قال : أبشر و آنه بووك قول لأمك تفرش لك بالحوش ..
31- واحد دخل الملعب و شايل علم أسود .. ليش ؟؟ يشجع الحكم !
32- طيب أسمع هذي .... واحد نامت رجله .... طفى النووور
33- أسد شاف سنور يلحق فار ... قال : يا شين حركات الأبتدائية ...
34- مدرس تزوج مدرسة .... يوم عزموا الأصدقاء بدل ما يوزعون عليهم بطاقات الدعوة .. وزعوا عليهم أرقام الجلوس ...
35- ثلاثة سافروا بتاريخ 15/7/1990 <<< عيد ميلادي:00000726: >>> لما قرروا يرجعون .. رجعوا اثنين و خلو واحد ذكريات ... !
36- مدرس عطشااااان يوم ما لقى محل يشرب منه ... شرب من جدول الحصص ...
37- طالب قاعد يناظر بباب الفصل .. سأله الأستاذ وش جالس تناظر يا ولد ؟ : قال له : الامتحانات على الأبواب يا أستاذ
38- واحد تزوج مدرسة و كل يوم يتأخر في الليل .. قالت له .. المرة الجاية ما تدخل إلا بولي أمرك
39- واحد كل ما يرجع بالسيارة على ورا .. لازم يدعم أحد .. قام المرور و عطاه رخصة القيادة إلى الأمام فقط
40- في زوج يقول لزوجته ... من يوم تزوجنه و انتي كل هات هات ما مرة قلتي لي خذ .... قالت له و لا تزعل يا حبيبي خذ الزبالة و رمها بره ..
41- مرة واحد ضربته الشمس .......... راح جاب أخوه الي اكبر منه ...
42- واحد يسأل أخوه .. صحيح الجزر يقوي النظر ؟؟ قاله أخوه ... أي نعم ,, عمرك أنت شفت أرنبه لابسة نظارة ؟
43- واحد يسأل أخوه ...,, انت في أي يوم ولدت ؟ .. قال : يوم الجمعة ... ... ... قا له : شفت انك نصّاب أصلاً يوم الجمعة إجازة ...
44- عائلة طالعين رحلة .. قام ولدهم يبي يصيد الضبان .. تأخر ... راوحوا يدورونه .. شافوه مجود سحلية و يطقها .. و يقول >> بابا وين بابا وين ؟
45- واحد يبي يركب الطيارة فصخ أنعاله عند الباب ...
46- واحد أول مرة يشوف سلحفاة .. قعد يطقها و يقول لها .... طلعي أرجولش طلعي أرجولش .
47- مدرس كسلان...طاح من عنده القلم ... قال حق الطلاب ... انكمل الدرس الحصة الجاية ..
48- في مهندس تزوج مهندسة جابوا بنت سموها .. هندسة
49- ما أسرع طريق للمستشفى ؟؟ أنت ما عليك بس غمض عيونك و أوقف في نص الشارع ..
50- طفل يسأل ابوه .. : لو كبروا أصدقائي أنا العب مع ميين ؟
51- واحد الغى موعده مع الدكتور ... ليش ؟؟ لأنه مريض ..
52- واحد ضاع مفتاح سيارته .. ... أخوه الطيب جا يحاول يفتح السيارة بــ سيم .. انفتحت ..قام الأخ و قص نسخة على السيم
53- واحد يلحقق ورا حرامي لما وصل جنبه اسبقه ..
54- واحد شاعر ألّف بيت لقاه درج في الصاله ......
55- وش الفرق بين الأسبوع و الصحراء ؟؟ .. غبي جاوب ... الأسبوع فيه أحد و الصحراء ما فيها أحد
56- واحد و هو يمشي شاف دينار على الأرض .... قام و حط خمس ربيات ثنتين
57- واحد قاعد يذاكر مع اولاده ... قام واحد منهم و قال يبه يبه اكو أخوي شرب الحبر ...قال الأبو : ما عليه أكتب بقلم رصاص حتى ..
58- واحد راح يشتري نظاره شمسية ..قال له البائع : تبي نظارة حق الشمس ؟؟ قال : لا أبيها لي آنه
59- واحد مريض راح للدكتور و الدكتور قال له لازم تسوي إشاعة .. قام و طلع من المستشفى وراح في الشارع يصارخ ::::: يا ناس يا عالم .. اكو الأهرامات انقلوهم بالرياض ....
60- واحد ضاق خلقه ... عطاه أخوه الصغير
61- واحد شاف الساعة واقفة ... جاب لها كرسي
62- واحد سافر و أخذ معاه خيشة شكر .... ليش ؟؟ لانه يسمع أن الغربه مرة
63- هندي مسك دجاجة و قام يضربها يضربها ... و يقول لها ..... كل يوم بيض كل يوم بيض ؟؟ ما في جبن ؟
64- واحد راح المقهى و شاف ممنوع الدخول لأقل من 18 قام يفكر ... من وين أيجيب الــ17الحين ؟
65- جهالوا قاعدين يصيدون جراد في الشارع ... ... مرت طائرة هوليكبتر من فوقهم قال واحد منهم :: يلا نهرب أكو جت امهم ..
66- كلب فقد الذاكرة .... جا يبي ينبح ..قال ...ميو ميو ...,
67- في نكتة محكوم عليها بالسجن ليش ؟ لأنها موتت واحد من الضحك
68- فار يذاكر ليل نهار .... طموحه يصير فارة كمبيوتر ...
69- واحد يسال صديقة .... ليش ما يطلع لك شنب مثلنا .؟؟ ... رد عليه .. ما ادري يمكن طالع على الوالدة
70- ثمانية مو قادرين يدفعون سيارة .....! ليش ؟ لأن أربعة يدفعون من ورا و أربعة من قدام
71- حرامي صادته الدورية ... قالوا له أركب ...قال : مشكووووور البيت قريب ...
72- واحد مستعجل اتزوج وحده مستعجلة ...جابوا ولد مو فاضي
73- مدرس يسال الطلاب ... أين الفاعل في : سرق الرجل السيارة .....الطالب : الفاعل في السجن يا أستاذ
74- أستاذ يسال الطلاب ... ما فائدة الاذنين ؟؟ ...قام طالب و قال : عشان ما تطيح النظارة يا أستاذ
75- واحد أتصل على الخطوط ... سألهم ..كم تستغرق الرحلة من البحرين إلى إيران .....قال الموظف : لحظة ....... ::: إلا الاخ المتصل يقول ... : ما شاء الله بهالسرعة...... لحظة ؟؟
76- في واحد ما جاه النوم أرسل له مسج ...
77- في علبة عصير تتمشى في الشارع .....ليش ؟؟ لأنها فاضية
78- واحد قاعد في حفرة ليش ؟ يفكر بعمق
79- سكران طاح من فوووووق العمارة ,,,,قالوا له .. اشفيك وش صار ؟؟ قال ... ما أدري توني جاي
80- واحد غبي رجع ريوس بالسيارة ..ليش ؟ عشان يجيب المناديل من وراه
81- في ديك مزكم .... ليش ؟ متزوج دجاجة مثلجة
82- ثلاثة نصابين ... قال الأول : شفت البحر الأحمر آنه الي لونته ..قال الثاني : شفت البحر الميت أنا قلتته ..قال الثالث : شفت المحيط الهندي ...أبوي كفيلة ...ها هاها
83- في أثنين يمشون بروحهم في الصحراء ... قال واحد منهم للثاني ,,, تسمح على كلمة بإنفراد
84- واحد تهاوشت زوجته مع الخدامة ...............حط كل وحده في بيت
85- في نملة ميته على الشاطئ ...... ليش ؟ من ضحايا تايتنك
86- ناس يبون يسوون عرس سكيتي ..... راحوا جابوا طقاقات طرمان
87- في بقرة عليها خط أحمر .......... ليش ؟ قليلة الدسم
88- عجوز عطست ,.,, جاها شد عضلي ..
89- واحد رفع قضية .,.... طاحت عليه
90- واحد بغى يدخل بالموضوع ... راح أشترى مفتااح
91- حارمي سرق فاتورة ........ راح سددها
92- واحد قال حق زوجته اليوم العشه بره ...... راح و رجع ... لقى زوجتة حاطة السفرة في الشارع
93- خورف و نعجة جالسين يم بعض .. قالت النعجة ...امبااااااااااااااااع ...... قال الخروف : عمري هالصوووت
94- في كيس طاير ... ليش ؟؟ منحاش من البلدية
95- واحد ذكي .. طلق زوجته .... قال لها : زعلتي ؟
96- واحد نام متاخر ... لقى الحلم فااااته
97- في أم شافت ولدها ياكل طعام القطوة .... قالت له ليش ؟ قال لأن القطو اكل التونه مالتي و أنا بقهرها باكل أكلها كله..
98- استاذ سأل الطلاب ..من فيكم يقول ليي أنواع السمك المختلفة..الاول : مقلي الثاني: مشوي الثالث: طازج
99- واحد يسال دكتور .. يقول له ...صحيح أن الدودة الزايدة ما فيها فائدة للإنسان ....الدكتور: لاااااا فيها فائدة للدكتووور
100- واحد سكران يقول حق رفيقة .. أنا صدت عشرين دب في أفريقا .. قال الثاني : أصلاً افريقيا ما فيها ولا دب كلهم أنا صدتهم
101- واحد راح يعزي صديقة بوفاه أبوه ... قال : هذي حال الدنية وين أبو صالح و وين أبو حسين و وين أبو علي و وين حمود و وين العشرة دينار الي اطلبك أياها ....................................و وين ردودكم يا أعضاء ؟ :wink:
102- أثنين سكرانين الأول يقول : تصدق أن عندنه بقرة لما نحلبها تطلع لنا زبدة ؟....الثاني : ههه و احنه عندنا دجاجة كل يوم تبيض بيض ملون
103- واحد (15 سنة ) قال حق صديقة ( 10 سنوات ) إذا واحد عطاك برتقاله وش تقول له ؟؟ .. قال : اقول له يقشرها
104- واحد جاب سبعة أولاد سماهم سفن آب
105- خبير أنترنت .. جاه ولد سماه ..... دوت كوم
106- ذبابة دعمت الطوووف ... قالت له : وسع ..... النسر جاي
107- طالب نصاب ... مزور شهادة الثانوية و كشفوة .... ليش ؟؟ ... كاتب ناحج و منقول لصف الجامعة ...
108- فار يجر أسد ميت .... شافوه الفيران و صفقوا له ..... قال : أنا إذا عصبت ما ارحم
109- عرّف الخفاش يا شاطر :::: فار لابس بشت أسود
110- واحد شاف الساعة وحدة استحى منها
111- واحد طلعت في راسة فكرة .... قام يسقيها كل يوم
112- في دكتور في مستشفى المجانين ... رسم باب على الطوف حق ثلاثة مجانين .. قاموا اثنين يبون يطلعون ...ظل واحد ......سأله الدكتور : ليش ما قمت معاهم ... قال : ما عندي المفتاح
113- منسم يسأل اليوم السبت أو الأحد : قالوا له : الأثنين ,,,, قال ما شاء الله أثنينهم مجتمعين
114- صرصور طلع من السبرماركت زعلان ...... ليش ؟ لانه شاف صورة أبوه على البف باف
115- ثلاث وحدات مجانين الحين الأبو قال يبي يختبرهم و يتاكد .... شغل لهم مسجلة ... قاموا ثنيتن يرقصون ... راح الأبو حق الثالثة و قال لها ليش ما قمتي رقصتي معاهم ... قالت .... أني العروووووس له ..
116- طالب كسول راح إلى أبوه و قال : أبوي أنت قلت إذا نجحت بتشتري لي سيكل .... قال الأبو : أي نعم بشتري لك سيكل ....بس بس خلاص يبه أنا وفرت عليك و رسبت !!:birgits_giggle:
:15: :15: :15: :15: :15: :15: :15: :15: :15: :15:
و ختاماً أتمنى أنني رسمت الابتسامة على وجوهكم ...
كل الي أبيه تدعون ليي حق الأمتحانات
و منكم الدعاء الصالح
ملاحظة : النكت مرفقة .... الي يبي ينزلهم ينزلهم عشان يقراهم إذا صار فاضي ....
ملاحظة : المرفقات على صيغتين ..أنت نزل الي يناسبك .. Office2007 أو Office2003
تحيااااااتي
*
*
:clapping:
100 نكتة و نكتة ..... ادخل و اضحك ....
العرض العادي
