مسا الخير للكل اليوم بكتبلكم طريقة برياني رهييييبة ...
1 ـ تيبين الله يسلمج دجاجتين مقطعات كل وحدة أربع قطع و تنظفيهن و تبزرينهم و تحطين عليهن عصير الليمون و تخليهن شوي ...
2- تجهزين بصل + ثوم ناعم+ طماط مقطع صغار + كوب عصير ليمون + 3 علب روب ....
3 ـ تجهزين المقلا عشان الدجاج طبعا ً تقلينه بس يكون مستوي 80 % يعني ما يكون ناظي واااايد...
4 - تحمسييين البصل و الثوم لين يستوي لونه ذهبي و بعدين تحطين الطماط لين يذبل و تخليب بعدين الدجاج عل المكونات السابقة و تصبين عليه الليمون و تغطينة و تخلنيه شوي و تخلين بهارات عليه
مثل ( بزار + هال + فلفل أسود + كركم شوي ألخ ... )
5 ـ تصبين الروب ع الصالونة و و تحركينه شوي و بعدين خليه ع نار هاددئة لمدة 10 د و تجهزين العيش
6 ـ خلي الماي ع النار لين يغلي و فيه ( ملح + أعواد قرفة + حب هال ) لين ينظى بس
طبعا تكون حبة العيش شوي قوية شوي و نشخله ... :
7 - نرد حق الصالونة و نشوفه لين تستوي ناشفة و نسكر الغاز و نييب الجدر و خلي طبقت عيش و طبقت صالون و طبقت عيش و طبقت صالونة طبعا دجاج المهم إتكون تقريبا ً 3 طبقات صالونه و 4 عيش و مع الصالونة نحطي ماي و زعفران عشا يعطي لون ..و نخليه ع الغاز ع أخف نار لين ينشف زين و يكون العيش أوكيه و إستوى .
8 - عاد إقلي شوي بصل شرايح و شوي مكسرات و بطاطا و إذا حبيتي بقدونس ناعم ...
9 - يوم تغرفين البرياني لازم شوي تخلطين الطبقات في بعض .. و قدميه
10 - لا تنسين تدعيلي ..

على فكرة البارحة جربتها كلش لذييذة:tongue:

إنتظروني في طبق جديد ..

روووعة

شكلها حلوة موووت



نبراس الكرامة

سلمتِ عزيزتي للطبخة اللذيذة

ودمتِ بألف خير

نبراس .. اذا جربتينها خبريني بطعمها ..

مو الحين بسويها .. اذا صار عندي بيت ..

انا جربتها طلعت مررررة لذيذة

وفالكم طيب

صنفت شكلي بسوي وحدة احين ههههههه

شكرا ع المرور

واووووو عجيب اهم شي في الطبخة رووب من عشاقه ههههههههه



مشكووورة نبراس على الوصفه



بنت الوادي